Kirya

tageldunt Kirya s tmaziɣt ( ⴽⵉⵔⵢⴰ ) d tageldunt tamaziɣt taqbaylit ɣef ugdud n taddukli n 05 n yiderman yeddren deg tasut tis ukkuz n tlalit n sidna Ɛisa , qqaren-as daɣen Silya neɣ Sirya .

Tudert

Tlul-d deg tmurt n leqbayel deg tlemmast n tasut tis ukkuz n tlalit ; baba-s d aɣella adunati Flabyus Nubil id-yurwen aṭas n warrac 07 d igejdanen ( Zammak Maskuzil Mazuka Ǧildun Firmus ) d nettat i d taqcict gar-asen ; Sammak d mmi-s si baba-s kan

Tagrawla n firmus

Yemmut Nubil yeǧǧa-d s deffir-s idrimen d yigran d tgelda meqqren . D Zammak i yuɣalen d agellid imi d netta i d amenzu maca yella d taxatemt gar yiḍudan n yirumaniyen , d ayen i yesserfan gma-s Firmus , imiren i as-yekksen tagelda yerna yenɣa-t imi yettwaḥseb d axabit . Irumaniyen rfan imi yeḍra way-a sg yimiren yettili-d ccwal gar-asen d yimaziɣen , armi wwḍen ɣer tegrawla s ddaw n tmehla n Firmus i yseddan yid-s atmaten-is-nniḍen , kirya tedda d gma-s di tneglufin tella tettɛawan wid ijerḥen , tbennu tizeɣwa n useǧǧi deg wussan n talwit tettara ɣer yiderman akken ad tent-sillez ad ddun d gma-s . Tkemmel kan akken .

Ardekal n tezɣent Firmus / Ǧildun

Yeffeɣ Ǧildun i tegrawla n gma-s , yeffeɣ seg tdunatit xedmen-as abellez akken ad yekcem takatulikit , yerna ɣer yiserdasen irumaniyen yexdem-d tazɣent ( la crise ) akked gma-s . Nnan-d kra belli Kirya tuɣal tettazal gar lmur d Yirumaniyen akken ad d-awi talwit kra nnan-d tedda d Firmus d tegrawla-s tessulez kra n yiderman ad dduklen yid-s , maca xesren , teɣli teddukla-nni ma d Firmus yenɣa iman-is .

Taggara n Kirya

ur neẓri ma d lmut n rebbi i temmut neɣ d timenɣiwt i tenɣa iman-is am yetma-s.