Nubil

Nubil yella d agellid n udrum n yijbalen deg temnaḍt n Sur lɣezlan deg tubiret n wass-a yedder di tasut tis kraḍ ardekal talalit n umeɣlal Ɛisa , nnan-d fella-s yella d agellid akk i yǧehden deg wakud-is .

Tira yuttunefkan d araz i Sammak mmi-s n Nubil , yura-d deg-s yisem n Nubil akken id-yettban dagi s tutlayt talatinit

Tudert-ines

Nubil yella d agellid amaziɣ yesnen talatinit , ssawalen-as kra agellid yettwarumenen ( bɣan ad d-inin yedder tudert n urumani xas akken ur yelli ara akenni , ahat tettunefka-as tɣelnawt tarumanit ) , yella d amasiḥi llant snat n taktiwin ɣef wajjed-ines :

• Kra nnan-d fella-s belli yella d adunati , yekcem ajjed n wid yemgaraden d yirumanyen ikatulikiyen . Wigi cudden ifukal-nsen ɣer wajjed n dderya-s imi kra ttamnen s tkatulikit wiyaḍ s tdunatin .
• Kra nniḍen nnan-d fella-s belli yella d amasiḥi akatuliki akka am yirumaniyen ,Ula d wigi cudden ifukal-nsen ɣer wajjed n warraw-is ( Zammak , Firmus , Ǧildun , Kirya , Mazukan , Mazisil d Diyus , qqaren belli d awrat id-werten asɣan seg baba-tsen , afukal wis sin-nsen , d timezgida i yettwabnan ɣef yisem-is netta d tmeṭṭut-is tunṣibt Nunika ( Munika deg talɣiwin nniḍen ) i deg id-ufan amidag akatuliki .

Akken yebɣu Nubil yeṭṭef deg kra n wansayen iqburen i yellan ɣer yimaziɣen , akka am uzwaǧ d waṭas n tulawin , imi imaziɣen n zik nni llan ttezwaǧen d wugar n yiwet n tmeṭṭut d ayen i tugi tmezgida tarumanit takatulikit , ihi xas akken yettwabellez maca ur yebri ara i tulawin-is ( tameṭṭut-is tagejdant d Munika ) , Nubil ggten ɣur-s taklitin d tmeɛcuqin-is , kra rbant-d seg-s maca ur llin ara d unṣiben imi ur yesteɛref ara akk yis-sen , ur ɣ-d-wwiḍen ara yismawen-nsen ɣer-neɣ , ihi abellez-nni yella-d s yisem kan .

Yemmut Nubil deg wazemz ur neẓri ara melmi-t , mi akken yettmettat d mmi-s Sammak i yeṭṭfen anbaḍ , maca yenɣa-t gma-s Firmus imi yedda d yirumaniyen , qqaren-d yimusnawen n umezruy belli yemmut mi akken yebda yimenɣi n Firmus . maca awal-agi ur yesɛi ara ifukal i yǧehden imi imenɣi n Firmus yebda ardekal lmut n Nubil , imi d-yeǧǧa adrim meqqren deffir-s yil yiwen seg warraw-is yella yebɣa ad ten-yesselḥu akken yebɣa .

arraws-is

yesɛa-d Nubil ṣa n warrac unṣiben seg tulawin-is ( kra nnan-d akken belli seddis imezzwura llan d arraw n yiwet " Munika " anagar Zammak d mmi-s n tmeṭṭut n baba-tsen " , usan-d akk deg tfelwit n yismawen-agi :

Arraw	Aẓar n yisem	Abrid n wajjed	lextyar mi tekker tegrawla n Firmus
Sammak	amaziɣ ( alibi )	ur t-nessin ara "?"	(yettwanɣa send tagrawla )
Firmus	alatini	tadunatit	agrawliw
Ǧildun	amaziɣ ( alibi )	tadunatit	idis arumani
Mazukan	amaziɣ ( alibi )	ur t-nessin ara "?"	Agrawliw
Mazisil	amaziɣ ( alibi )	takatulikit	Agrawliw syin yedda d yirumaniyen .
Diyus	alatini	ur t-nessin ara "?"	Agrawliw
Kirya	agrigi	ur t-nessin ara "?"	Tagrawliwt

Arraw n Nubil mi tekker tegrawla n Firmus .