Tifiɣert

Tifiɣert (assaɣ ussnan: Athene noctua) d talmest n yigṭaṭ yeṭṭafaren tawacult n tiwukdtin (tawukt d bururu), tiddi-ines d tagezlant yakk d tmeẓrit tanzellayt.

Tifiɣert
Addad n taggaẓt
Talmest ur tettwaggez  (IUCN 3.1)
Tasensartut
Asmil	Aves
Tafesna	Strigiformes
Tawacult	Strigidae (fr)
Tawsit	Athene (fr)
talmest	Athene noctua Scopoli, 1769
Taẓuni tarakalt
Isali amatan
Tehri	56 cm

Athene noctua vidalii

Aglam

Aqerru n tfiɣert d imezzi. Iqejjaren-is ɣezzif-it. Ini n tewtemt d azunɣid imal ɣer waras ma d imuren ifellayen deg-sen azagen d imellalen ma d allen-is d tiwraɣin. aqamum-is d awraɣ adnanes, ma d yiṭarren-is ččuren d afriwen iwraɣen yakk d imellalen. Tiddi-ines tga ger n 21-23 cm akken i yulac imgaraden deg talɣa ger n uwtem d tewtemt.

Amyaraw

Tasemhuyt n umyaraw tessentay (tbeddu) seh wayyur n fuṛaṛ. Dɣa assaɣ gar n tyuga n tfiɣert yettili d tin iddusin (ijehden) anda i yettkemmil alamma yemmut yiwen deg-sen. Yettili-d tuska n wegdef (lebni n lɛecc) gar n yiẓra neɣ s ddar n wakal neɣ ula deg tkeryas yettwaɣen anda i tessrusay tewtemt ger n 3-6 n tmellalin sin akin ad tezdel fell-asent azal n 28-33 n wussan. Ma d awtem yettawid učči i tewtemt s teɣzi n tallit n wezdal alamma frurxen-d yifrax sin akin ad myallen deg usečči-nsen. Ifrax-a ttawaṭent i waddar n uferfer d waffag mi ara wwṭen ɣer 30 neɣ 35 n wussan deg waddar-nsen.

Ẓeṛ daɣen

• Tiwukin