Zineddin Lyazid Zidan

Zineddin Lyazid Zidan
ambassadeur de bonne volonté de l'Unicef (fr)	;
ambassadeur de bonne volonté de l'Unicef (fr)
Tameddurt
Isem-is ummid	Zinedine Yazid Zidane
Talalit	16e arrondissement de Marseille (fr) , 23 Yunyu 1972 (52 n yiseggasen)
Taɣlent	Fransa
Tutlayt tayemmat	Tafransist
Tawacult
Arraw-is	view Enzo Zidane (fr) ; Luca Zidane (fr) ; Elyaz Zidane (fr) ; Théo Zidane (fr) ;
Tiɣri
Alma mater	université de Limoges (fr)
Tutlayin	Taspenyult; Taṭelyant; Tafransist; Taɛrabt; Taqbaylit; français d’Afrique (fr) ; Taɛrabt tazzayrit
Amahil
Amahil	Amyurar n tuzza n uṭar d entraîneur ou entraîneuse de football (fr)
Allusan
	Yettiki deg Coupe du monde de football 2006 (fr) ; Coupe du monde de football 2002 (fr) ; Coupe du monde de football 1998 (fr) ; championnat d'Europe de football 2004 (fr) ; championnat d'Europe de football 1996 (fr) ; championnat d'Europe de football 2000 (fr) ; cérémonie d'ouverture des Jeux olympiques d'été de 2024 (fr) ;
Position or speciality	milieu de terrain (fr) ; milieu offensif (fr)
Azuk	79 kg
Addud	185 cm
Imɛellmen	UNICEF (fr)
Prizes	ẓer officier de la Légion d'honneur (31 Duǧember 2008) ; Ballon d'or de la Coupe du monde (10 Yulyu 2006) ; Ballon d'or (1998) ; Meilleur footballeur de l'année FIFA (1998) ; Meilleur footballeur de l'année FIFA (2000) ; Meilleur footballeur de l'année FIFA (2003) ; champion des champions mondiaux de L'Équipe (1998) ; chevalier de la Légion d'honneur‎ (24 Yulyu 1998) ;
Surnames	Zizou
Taflest
Asɣan	Tineslemt
IMDb	nm1127992
	zidane.fr

Zineddin Lyazid Zidan, qqaren-as daɣen Zizu, d amarir n takurt uḍar n Franṣa i d-ifrurxen si yiwet n twacult tadzayrit taqbaylit i yellan d iminigen (iɣriben). Ilul ass n 23 yunyu 1972 di La Castellane i d-yezgan di tɣiwant n Marseille ddaw n Franṣa af yiri n ilel agrakal.

Zidan yuɣ Véronique Lentisco, yesɛa yid-s 4 n yuqrar: Enzo, Luca, Théo d Elyaz.

Imuzzag (spécialistes) n waddal, qqaren-d Zineddin Zidan illa ger imurar ifazen nezzeh di yal akud, netta d Pelé Diego Maradona d Michel Platini. D anaddal amezwaru iḥemlen ifranṣiyen deg useggas n 2006. Kraḍ (3) iberdan i ttuferen d amarir lemxiyer amezwaru n umaḍal sɣur tiddukla tagreɣlant n takurt uḍar (FIFA) deg iseggasen 1998, 2000, d 2003. Daɣen yewwi Takurt Ureɣ (ballon d'or) deg 1998. Aɣmis 'France-Football' iferni-t snat n tikkwal d amarir wis sin ifazen ger imurar n Fransa di yal akud.

Deg uswir agraɣlan, iban-ed s tarenawt d taɣlamt (tarbaɛt) n Fransa s teqbuct umaḍal n 1998, akk d tilɣuɣa n umenzaw n Turuft (Championnat d'Europe) di 2000. Deg 2003 iḥbes urar akk d tarbaɛt n Fransa. Aseggas seld (2004) yuɣal-ed, lamaɛna ass n 25 ibrir 2006 inna-d mi ara tekfu tiluɣa umaḍal n 2006, ad yeḥbes s wudem unṣib. Dayen i d-yellan, mi tekfa kan tagara n tiluɣa agi, yeṭṭef deg awal-is. Dɣa di tagara-agi, temlal tarbaɛt n Fransa d ttin n Ṭelyan, i yekfan s wayen i yettwasen Zidan ugar: tiyita uqarru mgal afna (adversaire) aṭelyani Marco Materazzi. Dayen iǧan anefray a s-yefk takarḍit tazegg°aɣt. Anecta mačči dayen ur t-iǧan ara ad yawi azwel n umarir ifazen deg umaḍal sɣur FIFA.

Tazwara n Zineddin Zidan

Axxam n baba-s n Zidane di taddart Agmun At Sliman

Zineddin Zidan, ilul di 'Marseille' u yettureba di 'La Castellane', imawlan-is Smaɛil d Malika, ussan-d si tmurt n leqbayel, si taddart Agemmun At Sliman id yezgan di Bgayet.

Zineddin Zidan izmel turagt tamezwarut ines deg 1982 ar taɣlamt n 'US Saint-Henri' ur ibaden ara si 'La Castellane'. Imiren yuɣal ar taɣlamt 'SO Septèmes-les-Vallons' anida yurar alama d 14 isegwasen di laɛmer-is. Di tagar n 1986 yebda urar akw d 'AS Cannes' sanda i-t-ibbwi Mas 'Jean Varraud'. Deg 1987, ikcem ar wamas uselmed n 'Cannes' s ddaw laɛnaya n umyurar aqbur 'Guy Lacombe'. Illa izdeɣ ar yiwet n twacult 'les Elineau'.Asmi isɛa 16 isegwasen, asleɣmay 'Jean Fernandez' iskecmit ar weḥric n usadar (professionnel). Ass n 20 mayu (semyur) 1989 ibda urar deg weḥric amezwaru n tiluɣa n Fransa, mgal 'FC Nantes', anda tturaren 'Marcel Desailly' d 'Didier Deschamps' deg akud nni. Deg 1991 igga iswi ines amezwaru mgal daɣen 'FC Nantes'. Aselway n taɣlamt agi, Mas 'Alain Pedretti', ifka-yas takarust 'Peugeot 205' ttazegaɣt ilmend n yiswi agi, imi yahdit s waya asmi a yeg iswi ines amezwaru. Taɣlamt n 'FC Cannes' tekcem di teqbuct n Urub (UEFA), dɣa ibda a yetturar deg aswir agreɣlan. Lamaana asegwas nni id yernan, 'FC Cannes' t ṣub ar weswir wis 2. Dayen yeǧǧan Zidan ad iruh ar taɣlamt n 'Bordeaux' deg unebdu n 1992.

Iseggasen n Bordeaux

Deg 1992 i skecmit uselaɣmay Rolland Courbis ar taɣlamt n 'Girondins de Bordeaux' anda yuɣal yetturar ak° d sin imurar i yuɣalen ar zdat d imeddakil-is di taɣlamt n Franṣa. Wigi d Christophe Dugarry d Bixente Lizarazu. Deg useggas ines amezwaru ar Bordeaux, Zidan iga mraw (10) iswiyen. Deg 1996 yurar tagara n teqbuct n UEFA mgal taɣlamt n 'Bayern Munich' anda xeṣren 'Les Girondins de Bordeaux' snat n tikwal: 0-2 d 1-3, ɣas ulama yufad lḥal sufɣen taɣlamt n 'Milan AC' deg tafquẓt n tagara (1/4 de final). Di teqbuct agi dɣa, wid iḥemlen takurt uḍar, ufan di Zidan d Anaẓur neṣeḥ ay san imal igerzen.

Qqaren belli uqbel ad ikcem Zidan ar taɣlamt n Franṣa, aselaɣmay n taɣlamt n Lezzayer n imiren Abdelḥamid Kermali ur tiqbil ara, imi aken id yenna: aqcic n 'la Castellane', ur ittazal ara mliḥ. Ass n 17 ɣuct 1994 ikcem i tikelt tamezwarut ar taɣlamt n Franṣa mgal n taɣlamt n tigduda n Ček. Ikcem di dqiqa 63 anda yufad lḥal Franṣa texṣer s sin ar wulac (2-0). Imi id ikecem Zidan, iga sin iswiyen, ɣas aken qrib asegwas aken ad yuɣal d amsaddu (titulaire). Armi d 1995, ilmend isfalen n 'Euro 1996', i yerra weslaɣmay 'Aimé Jacquet' Zidan d amarir amenzawi (meneur de jeu).

Zidan ar Juventus

Deg 1996, mi tekfa tagara n teqbuct n UEFA anda xeṣren 'les Girondins de Bordeaux', Zidan i zmel akw d taɣlamt imucaɛen Juventus n Turin i yellan d taɣlamt n umarir aqbur Michel Platini. Anecta illa-d s suma n 35 ifad n Frankiten. Yuɣal ihi yetturar akw d Didier Deschamps s ddaw uselaɣmay

Marcello Lippi. Taqbuct n 'Euro 96' ur tɛedda ara akken i wulen i Zidan imi yuffad lḥal yeɛya deg useggas nni yezrin ak° d 'les Girondins de Bordeaux'. Yernu ixdem yiwet n laksida uqbel taqbuct agi.

Aseggas amezwaru ar Juventus iweɛr-as, send akin yuɣal ifaz nezzeh. Aṭas i tittwalin ad iruḥ ar zdat s waṭas. Akw d Juventus yebbwi aṭas n yizwal: snat n teqbucin n 'scudetti' deg 1997 akw d 1998, yiwet n teqbuct 'Super' n Ṭelyan deg 1997, yiwet n teqbuct 'Super' n Turuft deg 1996, akw d yiwet n teqbuct 'intercontinentale' deg 1996. Lamaɛna ur yerbiḥ ara tiluɣa n Champion League snat n tikwal (1997 akw d 1998).Ahat taki ger tisebiwin i t-yeǧǧan ad iruḥ ar taɣlamt n 'Real Madrid'.

Zidan i zmel akw d Riyal Madrid

Zidan ar 'Real Madrid'

Deg yulyu 2001, taɣlamt n 'Real Madrid' tewed ad tezmel Zidan s suma n 77 ifad n 'Euros', dayen ur nella ara uqbel deg umezruy n takurt uḍar. Isegasen imezwura n Madrid, yewi azwel n tiluɣa n Sbenyul akw d tiluɣa n 'Champion League' ines tamezwarut. Dɣa si tmurt n Sbenyul iga Zidan iswiyen ines icebḥen nezzeh di tuddert-is n umarir.

Tirza n Zidan ar tmurt n lejdud-is

I tikelt tamezwarut, seg mi yella d amarir, yerza Zidan ar tmurt n imawlan-is akd d lejdud-is di Dujanbir 2006. Din yemlal di mdebren n tmurt u iruh ar Taddart Agemune At Sliman, anda imezdaɣ-is qublen-t-id s lferḥ amuqran. Fi tarza yagi anazur n cna Yidir idda yides.

Iṭṭuqet wawal af tirza n Zidan ar tmurt n lejdud-is ama di tilizriwat, radyuwat, iɣmisen akw d ismal n uzeṭa n Internet. Ama di tmura n tefriqt ugafa (Tamazɣa), ama di Franṣa, ama deg waṭas n tmura umaḍal. Ar leqbayel, llan wid iferḥen s tirza ines, akken llan wid ur nefriḥ, imi qaren belli tella degs tsertit neɣ ayen umi neqqar s tutlayt tafranṣiṣt 'la récupération'. Deg umedya atnan sin imagraden iwen tferneɣ: amezwaru seg uɣmis Izuran, deg wuṭun wis 14 ines, wis sin seg wesmel n tsekla imyura.net.

1. Tirza n Zidane ɣer Lezzayer, ger usirem d tuccda ...

Zinedine Zidane yerza-d ɣer tmurt n lejdud-is, iẓur kra n temnaḍin n Lezzayer ɣef teɣzi n 5 wussan. S laɛraḍa n uselway n Tigduda. Izzayriyen s tuget deg-sen, amur ameqqran d ilmeẓyen, ttmeslayen deg ussan-agi iɛeddan ḥala ɣef tirza n mmis n Teqbaylit, Zizu...

D acu yella-n d amaynut mi ara d-yass yiwen ad izuṛ tamurt anda lulen imawlan-is ? D ayen ur ilaq maḍi ad yili wawal fell-as, acku d azref n yal amdan yellan beṛṛa n tmurt-is neɣ n tmurt n lejdud-is.

S tidet, maca wagi mačči d menwala, d yiwen uzamul n ddabex n ddunit meṛṛa. ɣef aya i d-yella qal u qal ɣef tirza-agi.

Tamawt tamenzut : Zizu yezmer ad d-yas ad izuṛ Lezzayer d taddart Agemmun s wudeM niḍen mačči alamma inced-it-id uselway n Lezzayer. Acku, ɣas akken Zidane yenna-d deg temlilit-is sdat ineɣmasen “nekk d anadal, ur d-ceɣleɣ ara di tsertit”, maca Zizu ahat ur yeḥṣi ara wid t-id-inecden d tasertit i tafellaḥt-nsen, mačči d addal iten-iceɣben...

Tamawt tis snat : Mi testeqsan ineɣmasen ɣef amek yettwali tamsalt n tmaziɣt di tmurt, yerra-yas-d “ ur d-usiɣ ara ad meslayeɣ ɣef tsertit”...

Tamawt tis krad : Yiwen umdan yecban Zidane, yettwassen deg umaḍal meṛṛa, yesɛa tadrimt, aṭas n wayen i yezmer ad t-yexdem i warraw n tmurt-is (tamnaḍt n Leqbayel), maca...

Tamawt tis kuẓ : taddart n Ugemmun tfeǧǧeǧ, walan-tt imḍebren ɣef teɣzi n kra n wussan. Simmal ara ad yass Zizu, tirza n teswiɛt, syin yekfa ṭṭbel, yefra wurar, iɣublan n Ugemmun ad uɣalen akken llan. Yiwen n yimḍeber ur yettuɣal ad iwali taddart n ... Zizu.

Nesla aṭas n yilmeẓyen i ɣ-d-yennan acimi Zidane ur d-yenni yiwen wawal ass mi ḍrant tedyanin n Tefsut taberkant, ass mi ɣlin yilmeẓyen. Ula d ibeṛṛaniyen fkan-d tamuɣli-nsen, lḥan deg yiberdan n Fransa ɣer yidis n temnaḍt n Leqbayel (s yisem n izerfan n umdan), wanag netta yiwen ur t-iwala... di tegnitt-nni.

Amdan aɣerfan, ḥemlen meṛṛa meddden, ama d afennan, anaddal, asertan, bɣan ad twalin lɣaci deg teswiɛin iwulmen...

Tettili-d tuccḍa mi ara yiwen ur yefhim ara kra n temsal deg unnar n tsertit. Neyya yellan ɣer Zidane ulac-itt ɣer udabu-nneɣ. Acku seg wass-mi yella di leḥkem, netta ixeddem di tikkerkas...

Ma yecceḍ Zidane di tirza-ines, acimi yiwen ur s-imli ayen yeffren ? Ulamma yewwi-d yid-s yiwen ucennay yessnen timsal yecban tigi. Wagi d Yidir... ahat iɛemmed di tuccḍa neɣ icceḍ ula d netta ?

2. Tisusaf mači d-aman kan, rregmat mači d-awal kan.

Imi deqs n tmeslayt d-illan ɣef umyurar Zidan ussan-a, a d-nernu ula d nekni tin nneɣ s tayi nneɣ. Imi ula d nettat d-tinzert issefk ad iḥadd wumdan s wayen umi yezmer.

Ihi d-tidett, tisusaf mači d-aman kan, rregmat mači d-awal kan.

Aya ahat dayen i d-yugem umyurar „Zidane“ seg idles n imawlan-is. ɣef aya i yefka d-asfel taqbuct n umaḍal n tcirett uḍar, yefka tt d-asfel i tinzert.

Aḍra tura ma d-tidett tinzert mači d-awal kan. Amedyaz iqqaṛ: „tinzert d-ayla“ Ayla n weqbayli d-tutlayt n imawlan-is, d-idles n imawlan-is, win seg d-suddmen ttṛebya, asegmi nni s wayes t ssegman armi meqqeṛ.

Aselway n udabu imsehres n lezzayer, Bouteflika, iɛreḍ it-id. Yyaɣ a-k-id-ɛerḍeɣ ar wexxam-ik. Tayi d-tajḍiṭ !!!! Aselway n udabu ireggmen akk tiyimmatin tiqbayliyin seg wass mi tefra ar ass-a. Nɣan, ɛeyyben, ṛzan…atg Zidan, ma yella, iger ar ɣur-sen, d acmat ad icmet iman-is. Ma yebɣa ad iqqim d-aziḍan ar wayla-s deg umezruy, ad iṛuḥ ar tmurt-is war ma iger irebbi i wid ɣ ireggmen, i wid ireggmen imawlan-is, ireggmen imawlan n imawlan-is.

Iqbayliyen tewwi ten tinzert fkan afud i Zidan. Tura kan i jbiɣ ar yiwen unmager iṛumaniyen illan reggmen deg umyurar aqbayli, qqaṛen as “akka i d-aɛṛaben, d-tiyiti kan i ssnen !” Imi i sen nniɣ dacu-t Zidan, d-acu-t idles ines, d-acu teswa tinzert ar ɣur-s. Seg mi d-nniɣ aya, akken ma llan wid d-irnan iznan deffir-i ttḥaddan amyurar aqbayli, ttḥaddan iqbaylien. Aya d-amedya dakken Zidan nusr-it, nḥwaǧ-it, diɣen yuḥwaǧ-aɣ.

Aqbayli yuḥwaǧ gma-s.

Tura a t nṛaju deg ugwni n truggza, deg ugwni n tinzert nni i t iwwin ad iḥadd tezdeg n yemma-s d weltma-s. Tura iqqim-d ad iḥadd yemma-s, ur ittak ara afus i wid tt ireggmen seg zik akken reggmen akk tiyimmatin nneɣ.

Atan ihi ɣur-wen usaru n tdiwennit iga Zidan i canal +, anda i s inna i uneɣmas nni : "rregmat mači d-awal kan !!"

Walit daɣen

Tamselyut, Iseddagen & Izdayen Iberraniyen

http://www.zidane.fr
http://foot.fluctuat.net/zinedine-zidane.html
http://www.forza-juventus.com/joueurs/bios/zidane.htm Archived 2009-04-29 at the Wayback Machine
http://www.imyura.net Archived 2013-08-12 at the Wayback Machine
http://www.racines-izuran.com