Azday aɣisan
Azday aɣisan (yakk d uẓuni aɣisan) d yiwet seg telmas n tfizikt taɣisant tusnist. Akken iga d tamhelt anda i ttemsegrawen degs sin n iɣyayen ibelkamen i wakken ad ssilɣen yiwen n weɣyay ẓẓayen. Dɣa azday n yiɣyayen fsusen (am: upṛutun igan d aɣyay n uhidṛujin, d Deuteron igan d aɣyay n uhidṛujin aẓayan, d trityun igan d aɣyay n trityum) tturaren azal deg umadal d usedday, acku azday ayi iberru-d i tesmekta meqqren s waṭas n tfasa i d-ittbinen s telɣa n teẓɣelt am wayen iṭeṛṛun di tfukt, sin akin ad tazen (tafukt) taẓɣelt d tafat. Dɣa awah ulac tasedmirt-a tili tafukt d yitran d tudert ur telli ara.
Tafasa ayi tameqrant tettmag-d s temẓalt (axṣaṛ) n wazuk n weɣaɣ i d-ittwaglan s wezday aɣisan. Tamẓalt-a deg tkura yettuɣal d tafasa s unect (ɛla ḥsab) n tagda n Albert Einstein iteqqnen s wassaɣ gar n tkura d tfasa. Ihi, d tasedmirt-a i d-ittaken tafasa i tfukt d yitran akken i sen-tettak taẓɣelt d tafat.
| Tafizikt taɣisant | ||
| ||
Tabɣurt n wezday aɣisan d tufka n tesmekta meqqren n tfasa, ugar n wayen i d-ittakk uẓuni aɣisan. Yerna igarawen gebren seg tesmekta igerrzen n deuterium issefken i tsedmirt.