Urar Lxalat

Urar lxalat, daggi ad nebder snat n lemɛani.

Urar lxalat deg taddart

D ccna id-ttawint tulawin, tullas, lxalat deg tmeɣriwin, deg sensiyen, di mlal mara yilli lfarḥ deg uxxam, nnaɣ deg twacculin.

Zik d myla taddart, mara yilli lfarḥ, tullawin ad duklen s amakan iwulmen am wenar, afrag, anda ara sekrent urar.

Tin yesnen ad tewwed abendayer, ad tedem abendayer, tullas nniḍen ad ccenunt, ad selwliwent.

Tizlatin n wurar n lxalat

- Mreḥba s imawlan-iw, assa yaɛmar wexxam-iw ( tizlitt i teccna Nwaṛṛa)

- A lxur yewwan, fkiyi-d aman ad swaɣ, am taɛyun ssuy-i-d ttnudumaɣ,

- Wallaɣ tasekkurt sufella n tzemmurt, argaz-is iṛṛuh ibedel tamurt

- Yuklal udar-im ad yeqqen axelxal, yerna f zzin-im a lward amellal

- Laɛyun tiberkanin

- Assa d lfarḥ-iw

- D nnuba-k fraḥ (ifer ibawen, yeggman d asawen, xeluntt ɛcra yeḥya-tt-id yiwen, d nnuba-k fraḥ)

- Tameɣra g izem aɣiles, yulli wass (Tizlitt n Kassia)

- Tezga ṣṣifam gar wallen-iw, d lbaḥr n leḥub-im ɣarqaɣ (Tizlitt n Taleb Rabaḥ)

- Awi-yid amendil-iw, ad ruḥaɣ ar laḥlil-iw, ur ttagwad ard uɣalaɣ, serḥiyi ad ruḥaɣ (Drifa)

- A lwaldin aneft-iyi (Ait Menguellet)

- Eṭṭes eṭṭes mazal lḥal (Ait Menguellet)

- Keccini ṛṛuḥ (Ait Menguellet)

- Snat n tullas (Ait Menguellet)

- Ccdeḥ-im ig yexfifen, ɣiwel, ɣiwel, saɛa ard uɣaled seg At Yiraten

- Aḥ yeǧǧa yemma-s, yettu i tɛetteb fella-s (Akli Yahyaten)

- Temɣrat yewwded lfarḥ-im, xas kkes anezgum tura, neǧmaɛend warraw-im atnan wwdend am yiran (Farid Ferragui)

Urar n lxalat nnaɣ nnuba n lxalat

Tadwilt yebdan deg rradyu n teqbaylit deg segwasen imenza f tlallit n rradyu.

Udem n tedwilt aggi am wurar n taddart, ad nejmaɛnt lxalat, ad awwint abendayer, ccenccina, tikwal tettili derbuqa, ad bdun ccna.

Tadwilt aggi tebda seg mi teldi rradyu, tettwaḥbes deg usegwas n 90 asmi id yussa yiwen umdebar ikerḥen taqbaylit. Asmi tella tadwilt aggi, tacennayt id yenulfan, ilzem-as ad ɛiddi di tedwilt aggi, anda imsefliden takkend ṛṛay-nsen, anda daɣen ḥefdenṭ ccna, icewwiqen, aẓawan.

Am Nwaṛṛa, am Ǧamila, am Cṛifa, llant ɣaf uqarruy n tedwilt aggi id yettɛadin di radyu tis snat, kull as ddurt.

Gar lxalat i ccnan deg urar n lxalat:

- Wṛida

- Lla Lǧida Tamuqrant

- Rabiɛa